■劉正在fb揶揄「泛民」出賣「抗爭者」。 「無神論者的巴別塔」fb截圖泛暴派之前口口聲聲話核爆都唔割，其實都喺為咗攞政治選票，到人血饅頭食得差唔多，自然就要抹嘴再上路。日前公民黨主席、資深大律師梁家傑接受傳媒訪問時，亦坦承無可能特赦所有暴徒，最多只能減刑。呢次梁家傑終於都肯面對事實，但就俾啲「獨」人鬧爆公然出賣「抗爭者」，有泛暴派網民亦留言話「贊成清算公民黨」，呢啲咪泛暴派成日嗌嘅「香港人，報仇」囉。
梁家傑認難全面特赦
梁家傑近日接受《香港01》訪問時話，部分案件要特赦好難，仲話「好多人」都覺得，如果暴徒被認出，做出咗「嚴重傷害他人嘅行為」，唔通又特赦咩。咦，乜梁家傑終於肯認好多人都唔認同暴力喇咩？佢又話，對於呢個個案呢，最多只可以酌情減刑喎。
呢番說話其實都係包庇緊啲暴徒，不過由於都承認咗暴徒應該要有刑責，咁就辣着班一直堅持要「核爆都唔割」嘅泛暴派嘞。劉正就喺伭acebook專頁「無神論者的巴別塔」度出post揶揄︰「好多『精明』嘅『飯民』政棍，根本早就準備好隨時跳船，出賣『抗爭者』。」
佢質疑，梁家傑表態講冇可能特赦所有暴徒，係搞緊分化，但就有一大班「黃絲」撲出嚟護航，話呢篇訪問係假新聞喎，劉正於是更火爆咁話︰「好×心你班白×痴啦，當日（民主黨主席）胡志偉話無可能反對規劃大灣區、沈旭暉話年青（輕）人最好去大灣區發展，全×部都係接受『共媒』同《大公報》訪問架（㗎），如果係假，最×簡單咪就係佢自己出黎（嚟）澄清囉！」
劉正批出賣「抗爭者」
劉正又話，其實就算梁家傑公然出賣「抗爭者」，余若薇叫人忍受未來「不公平」嘅審訴，「黃絲」都係唔會清算佢哋，「講×到尾，『義士』裝修就被屈係鬼，『飯民』政棍出賣『義士』放棄『五大訴求』就『不分化不割席』。」佢仲認為，所謂「五大訴求」好快會玩完𠻹。
網民「Garrison Tong」留言寸泛暴派講一套做一套，「核彈都唔割？梁家傑就帶頭割比（畀）你睇。」「Yeah Chi Chris Wong」就睇清「飯民」本質，「『泛民』不嬲都咁×賤，十幾廿年來都係咁。」「Kevin Chan」亦話︰「『泛民』班冚家×淨係想永續社運，連普選研究都無做，依（??）家政府俾（畀）普選你，佢地（哋）識攪（搞）咩？」
網民倡「清算公民黨」
「Louis Fung」就揶揄之前保送「飯民」入區議會嘅人話︰「不嬲都話區選之後『飯民』就會跳船，當初仲大把人走去話要確保區選順利舉行。」「Kango Lam」一針見血謂︰「人地（哋）不嬲都係打『五大訴求 一起公投』旗號，食完人血饅頭重（仲）理『抗爭者』咩？」「Chai Chai Wu」就話︰「贊成清算公民黨。」不過大家最後都係核爆都唔割㗎啦，睇吓嚟緊立法會又有幾多人含淚投票囉。 ■香港文匯報記者 郭家好