■蒂芬妮夏迪舒與露絲拜恩發揮搞笑本色。由米吉阿堤達（Miguel Arteta）執導的喜劇電影《波士鬥腦細》（Like A Boss）玩盡女人百態，創出不一樣的扮靚新世界﹗電影由蒂芬妮夏迪舒（Tiffany Haddish）夥拍閨蜜露絲拜恩（Rose Byrne）絞盡腦汁，拋低女性矜持，唔怕騎呢出位，大鬥金像提名影后莎瑪希恩（Salma Hayek），一齊爆發連串鬧劇笑彈。對於將女魔頭角色演得奸到出汁的莎瑪希恩，則透露在角色上花了不少心機。她更讚兩位拍檔發揮搞笑本色，好有壓場氣勢。
對於女人戲，導演米吉阿堤達大讚蒂芬妮夏迪舒和露絲拜恩的合作好有火花，令整部電影的笑料更突出，完全展現出她們的喜劇演技；又話今次電影純粹講女性之間的友誼，不像其他電影刻意加入男女浪漫元素。今次三個女人上演一段非一般的「三角關係」，反而更加有趣味！
《波士鬥腦細》故事講及一對閨蜜米雅（蒂芬妮夏迪舒飾）和美露（露絲拜恩飾）由細玩到大，感情要好到做埋同居密友，仲夾份開化妝品公司一齊賺女人錢。本以為姊妹可以齊齊做人生贏家，點知公司突然欠下幾十萬債！化妝界臭名遠播的「女魔頭」嘉莉兒（莎瑪希恩飾）看準時機，向米雅和美露提出極其誘人的收購協議，表面上做「白武士」，實質另有陰謀，更令這對好姊妹的友情受到前所未有的考驗。事業友情兩失意，米雅和美露能否絕地大翻身？
電影集合姊妹感情有笑有淚、以及搞笑和幽默的橋段，相信女性觀眾入到場欣賞，必定會好有共鳴，睇的心滿意足。■文︰莎莉
【星光透視 印花】送《波士鬥腦細》電影精美禮物
由洲立影片發行（香港）有限公司送出《波士鬥腦細》電影精美禮物手機化妝鏡10個予香港《文匯報》讀者，有興趣的讀者們請剪下《星光透視》印花，連同貼上$4郵票兼註明索取「《波士鬥腦細》電影精美禮物」的回郵信封，寄往香港仔田灣海旁道7號興偉中心3樓副刊部，便有機會得到電影精美禮物一個。先到先得，送完即止。