■Judy指自己過去一年變得更堅強，定會照顧好自己和兒子，不用丈夫擔心。 受訪者供圖警員在前線執勤，少不免被示威者惡意謾罵，但更令人沮喪的，是身邊人的冷嘲熱諷。「我點解要介意人點諗呢？我冇做錯，唔應該為佢哋唔開心。」Judy與加入警隊逾廿載的丈夫都認為，做人毋須太介懷別人看法，擺脫輿論束縛、活出自我，就是在種種打壓中，對自己、對下一代最好的打氣方法。
Judy的丈夫任職警察公共關係科，上班時經常見到示威者惡意指摘警方，豈料下班後還要面對親友的嘲諷：「疫情令好多人冇工開呀，你鐵飯碗咪冇事囉！不過做埋咁多陰鷙嘢，過得唔開心都係抵你哋死！」說到親友的奚落，Judy格外激動，畢竟十多年的情誼，竟被一場暴亂輕易輾碎。
不怕黃黑詆毀 友情無分政治
暴動究竟令人得到什麼？Judy笑說自己變得更堅強豁達，「詆毀警察嘅人最鍾意睇到警員同佢哋屋企人唔開心，證明佢哋做得陰鷙嘢多，所以我哋更要活得開心，唔好衰畀人睇！」
患難見真情，Judy慶幸自己身邊還有幾位願意支持她的朋友，即使大家政見不一，他們仍願意傾聽自己苦況，一句問候只有寥寥數字，背後卻無比暖心。
她坦言，現時社會存在不少矛盾，但人與人之間的羈絆不應被政治影響，「要識企喺另一方聽吓唔同意見，好似啲『顏色經濟圈』咁，我從來都唔分，只要店舖有質素，我就會幫襯。」
暴力威脅上門 無悔支持丈夫
但即使心境堅強，現實還是要面對暴力威脅。Judy憶述，與5歲兒子晚上歸家時，剛好遇上示威者圍堵紀律部隊宿舍，他們喊口號期間更試圖投擲汽油彈，故她只能繞路找較隱蔽的入口，「你見到佢哋明顯針對住宿舍嘅人，嗰刻真係好驚，覺得生命受到威脅。」
Judy說，即使再慌張都要保持積極，「小朋友成長靠我哋，我哋唔可以帶負面情緒畀佢，仲要灌輸正確嘅思想。」去年8月適逢所謂「三罷」活動，Judy仍會送兒子坐校巴上學，問到會否擔心兒子安危，「我相信校巴司機唔會害小朋友，而且唔通佢哋靠嚇我就要罷課罷工？返學係正常嘅事，我哋會繼續。」
談到兒子升學，Judy直言暫無計劃送他到海外讀書，並反問道：「唔通送佢去外國留學就解決咗件事？」她相信即使社會紛亂，只要兒子學懂明辨是非就不會受影響。
警方過去一年更注重與民溝通，宣揚守法觀念，Judy丈夫亦需加班，人手不足時亦要到衝突現場幫忙。Judy很理解丈夫的辛勞和面對的壓力：「我哋永遠支持你，因為你守護香港係冇錯，你嘅付出係值得嘅，唔使擔心我同阿仔，我哋會堅強、照顧好自己，永遠企喺你身邊！」 ■香港文匯報記者 雨航