涉嫌觸犯香港國安法嘅壹傳媒創辦人肥佬黎（黎智英）日前被捕，前晚獲准保釋，噚日一早就喺Twitter直播，用眼淚賺支持，話見到咁多國際人士同香港人支持佢同《蘋果日報》覺得好感動，覺得香港呢個地方對佢實在太好。有網民就話肥佬黎要出嚟博同情，似乎係無晒辦法，亦有網民表示︰「遲D（啲）香港會對他更好，有免費屋住，又有免費飯吃，他真的要感謝香港。」
肥佬黎噚日一出嚟又急急搵外國勢力幫自己刷存在感，男人老狗仲邊講邊喊，話國際支持對佢好重要，又話知道自己做緊「啱嘅嘢」，仲話自己「生命去到最後階段」等，真係一手悲情牌打晒出嚟。
「黃營」入面有唔少人都話自己睇到喊，睇嚟平時生活壓力都幾大。不過，有好多網民覺得肥佬黎矯情得滯，有人仲鬧佢係「戲精」。「San Leong」直言一切都係報應︰「流眼淚？拍緊戲？你地（哋）話坐監會令人生過得更精彩！希望你哋啲同僚可以好似你咁一個一個咁去過你哋精彩嘅人生。」
將享「免費吃住」更要感謝香港
「hk_mask」話︰「要搞到咁搏（博）同情keep（保持）人氣去打仗，睇嚟無晒其他辦法鳥（了）！」「曹三豐」揶揄︰「想走無得走，羅三七（羅冠聰）風流快活，緊（梗）係想喊啦！」「夏毅崴」認為︰「他的哽咽絕對是因為要坐牢了！」「普通話太難學」亦表示︰「遲D（啲）香港會對他更好，有免費屋住，又有免費飯吃，他真的要感謝香港。」
■香港文匯報記者 甘瑜