周小姐：未睇新聞所以唔知凍肉有病毒，不過都唔驚得咁多，現時又有「限聚令」、又有晚市禁堂食，一家人只能在家下廚食晚飯，但又話街市會「播疫」要減少去街市，唯有買多啲凍肉喺屋企隨時食。如果連凍肉都話少啲食，我驚好快餓死。
余小姐：知道這宗新聞，但驚都要食㗎，唯有暫時避免購買巴西入口凍肉，轉為買其他地方的凍肉，例如內地、美國等。每次買餸回家後都會先把包裝消毒，而且會徹底清潔食材後才煮。
蔡小姐：屋企有小朋友，所以知道這宗新聞後感到擔憂。打算轉買價錢較高的泰國無激素雞翼代替，雖然價錢較貴但是能夠食得健康又放心，而且會在烹煮時多花3分鐘至5分鐘，雖然會影響口感，但最緊要熟。
凍肉店員工英姐：最近多咗市民一次過買一星期分量的凍肉回家備用。店內售賣的貨品都經過挑選才購入，對貨品十分有信心。市民只要把肉類煮熟、放入冰箱前有做好消毒，便不用擔心包裝上有殘餘的病毒。
文：香港文匯報記者