點解人與人之間會充斥憎恨﹖因為「黃絲」事無大小都鍾意諉過他人。話說「黃店」榕記車仔麵（新都城分店）日前就喺facebook發帖，話有人留咗妏j籬地產舖嘅電話叫外賣，但送到先知人哋冇叫外賣，俾人要求離開，佢就怪人唔找數，鬧人「態度惡劣」「拍拍囉（籮）柚扮乜事都無」「唔雪中送炭」「浪費食物」。一眾「黃絲」立即上身齊齊批鬥，話要集體約睇樓甩底、全民杯葛間地產喎。網民就睇唔過眼話：「又諉過於人！」
榕記車仔麵篇帖文係咁講嘅：「今日有個自稱是劉生的人，點了total $1,021大概十幾人份（分）量的外賣就叫我哋安排送到我們旁邊的XXX（地產舖）。我哋廚房同樓面同事見近近地（哋），加上對方又留哂（晒）公司電話同私人號碼，於是同事們就極速趕起所有訂單......結果到了XXX（地產舖），該店竟然派出一個『態度極差』嘅職員要求我哋同事離開......然後我哋同事打返俾（畀）劉生，劉生只係話俾人整蠱??你俾人整蠱咩？跟住就可以拍拍囉（籮）柚扮乜事都無......唔雪中送炭都算啦！點解要咁樣浪費同事時間同心機，仲要浪費咁多食物......撫心自問一下良心過唔過意得去！」
話要集體約睇樓甩底
榕記更上載埋張寫有劉生手機號碼同地產舖公司電話嘅外賣紙照片，令到班「黃絲」除咗想將責任遷怒地產舖外，更將劉生起底。
「黃店」咁惡，見人哋俾人整蠱完，仲要諉過他人搵「黃絲」批鬥。「Yip Terr」就話：「咁集體去約XXX（地產舖）班agent睇樓然後no show la（啦），等XXX（地產舖）可以檢討下睇樓流程，睇樓客no show，XXX（地產舖）都有責任。」「Raphael Lai」亦話：「好建議喎！全香港人用太空咭咁做的話，我睇怕佢班agents騰出騰入，可能會辛苦過擔泥。」「LC Cheung」更上載埋投訴連結話：「必須向地產代理監管局投訴！」
班「黃絲」仲度埋唔少報復大計。好似「Alexis Lam」話：「唔交人唔找數，全民杯葛XXX（地產舖）啦，唔止唔幫襯佢，仲要外賣都唔做佢生意。」
不過，有網民就睇唔過眼，狠批「黃店」同「黃絲」反智、盲撐。「Willis Chan」話：「俾人整蠱，都要夾硬食左（咗）張單佢？」「Bowie Tang」都話：「覺得好笑，咁嘅邏輯，好明顯係無睇晒全個post（帖文）或者盲撐。」「Hiu Ying Chan」就話：「『黃店』黎（嚟）講你都幾賤下，人哋劉生特登整蠱你？叫外賣用兩個電話都醒覺下，自己豬咁蠢......仲要上網公審人 ？成件咁X仲公開搏（博）可憐做宣傳......你委屈人地（哋）唔委屈？真係O晒嘴......」 ●香港文匯報記者 黃書蘭