 放大圖片
■4年沒有在紅館開騷，側田今次主打玩音樂，以歌會友。
側田在美國讀設計，畢業後在加州聖塔克萊拉（Santa Clara）的雅虎當網頁設計員。由於覺得工作非常沉悶，所以決心重回香港從事音樂工作，是為了他的理想而回流，更因2005年在古巨基的《勁歌金曲演唱會》中演出。在清唱環節中好評如潮，並得到經理人黃柏高(Paco)賞識，令他從幕後走到幕前。「我真係好鍾意站在台上唱歌的感覺，好舒服好自在。05年出道，又肥又白，人人都唔睇好我，出來唱歌好似在搞事。但Paco條橋好堅，我是第一個歌手出道好短時間就上紅館開騷，大家都知道紅館好神聖。而且當日返香港發展，係好想改變香港的樂壇，想改變大家聽K歌的模式。如果樂壇每10年轉一次，希望可以由自己開始。大家都知道樂壇好多黑暗事，同事幫我好辛苦咁打拚，但可能最後一個獎都冇。作為一間電台，DJ的職責應該是幫歌手播歌，但原來又唔係，電視台就更唔好講，都係唔好講了，免得愈講愈 。」
按側田的說法，現在娛樂圈已經沒有明星可言，因為資訊太發展，沒有私隱，但亦令他可以自行POP歌，不用依賴別人。「演唱會期間我會出隻EP，有首歌就是諷刺香港的樂壇好多事都如一個倒模出品。你想坃獎就要擦TVB鞋，擦DJ鞋。OK你們唔播我的歌，我咪用自己方法POP歌囉，放上網明明好多人聽，隻碟又賣得，點知到最後一個獎都冇。所以我好贊成要樂壇有真正發展，第一步是將四個台的頒獎禮合一。」
|
放大圖片
