|
香港文匯報訊（記者 李自明）早前「壹傳媒股民」踢爆壹傳媒集團主席黎智英，多年來不斷向反對派各政黨「泵水」，擺明車馬充當反對派「最大金主」。黎智英昨日接受訪問時繼續「歪理當成真理」，聲稱自己捐錢予反對派「光明正大」、「半夜敲門也不驚」，但又拒絕公開捐錢細節。
工黨主席李卓人涉嫌收受黎智英金錢利益，廉署到李卓人和黎智英住宅搜集證據。黎智英昨日接受電視節目《星期六主場》專訪時，首先「大耍太極」，拒絕評論具體捐款予誰的問題，「關於捐款的事，我不想談論。原因是，所有捐款文件，係佢（黑客）入侵攞咗10幾年的賬目資料文件，呢啲係『賊贓』，冇理由要我證實『賊贓』的資料，你等我留返啲尊嚴。」
他只承認，自己曾捐錢予反對派議員，這是「光明正大」的，「不會內疚」也不會放棄捐錢，「我捐款不是想他們一身蟻，是為了民主。我被（黑客）入侵偷咗我啲嘢，知道晒啲嘢，我都冇辦法。不等同我要內疚，又或者以後唔捐。我會繼續捐錢予『泛民』。支持自己信任的事不會錯，出亂子唔緊要，畀人揭發咁又點唧？我不怕被暗殺。捐款唔係打劫強姦甚至開舞廳，盜竊先係害人。」
被問及他聲稱捐錢「光明正大」，卻為何不公開捐錢細節時，黎智英辯稱：「捐錢是光明正大的，但不是光明正大就冇私隱。以後我會繼續以往方式捐款。橫掂公唔公開都冇咩分別。鍾意就入侵，我都頂你唔順㗎，冇咩所謂。我唔會公開，點解要咁做唧？光明正大係半夜敲門也不驚。唔敲門都唔會開門畀你囉！」
稱美副防長為「老友」
被質疑捐款涉及「黑金」，黎智英辯稱，其財富是自己賺取的，「身家清白」，在稅務局及工商部門均可查閱有關資料，又否認自己密會美國前國防部副部長保羅．沃夫維茲是勾結外國勢力，「咁叫力量？副防長是我認識多年的朋友。不是中國朋友先是朋友，我自己有自己的朋友。證明到美國佬俾我一分一毫咩？證明到我都死咗啦，無命啦。」
他在訪問中又再「號令」反對派，稱特首普選不應「袋住先」，反對派應在立法會否決不符合「國際標準」的方案，又聲言反對派在「大是大非」的問題上不會「走數」，「袋咩嘢？不是普選袋嚟做乜？袋『假嘢』無用，貪玩咩？中央落閘無嘢好做，『佔中』囉！我會參與『佔中』。」
|
