■仇思達批評梁天琦及黃台仰至今仍一句交代都無。 fb圖片涉嫌策劃旺角暴亂的「本土民主前線」發言人獨琦（梁天琦），在今年立法會選舉拒絕為聲稱對他「恩重如山」的「熱普城」站台，而去支持「青山新症（青年新政）」，「糧油」（游蕙禎及梁頌恆）最終當選。不過，自兩人搞出了辱華辱國的宣誓風波，成為全民公敵後，獨琦以及另一「本民前」發言人偉哥仰（黃台仰）無聲無息，就連前晚的「撐糧油」集會也蹤影全無，仿如人間蒸發。一直被揶揄「有事就縮」而經常被問「去咗邊」的「熱狗」乘機發難，質問獨琦及偉哥仰去咗邊，更質疑兩人老點選民，在「糧油」犯眾憎、知道無光環攞就龜縮，毫無承擔，「不愧」為政棍。
「熱狗」要獨琦畀選民交代
「糧油」兩人公然在議員就職宣誓儀式上辱國辱華，令全城震怒，但過去一直高調的獨琦及偉哥仰自事發後一直不置一詞。因無應「熱狗」要求唱衰「糧油」而一度被列入「清算名單」的「無敵神駒」仇思達，前晚就在facebook發帖質疑道：「當日梁天琦被DQ，你搵個『plan B』補上，基本上投俾（畀）呢件替身嘅人，好話唔好聽九成九都係因為你。好嘞，而（𠵱）家出現重大政治危機，點解你喺呢一刻都依然不發一言？大佬，你係咪都好應該有啲擔戴（承擔），至少都出句聲，俾（畀）選民一個交代，而唔係好似失咗蹤咁呢？」
一直死撐「青症」的「史健仁」也發帖稱，「當日啟動Plan B時，梁頌恆及梁天琦均表明Plan B成功當選後，所得嘅資源都會用來支持梁天琦及『本民前』。既然係咁，即使未必幫到乜嘢，喺道德上梁天琦及黃台仰係咪應該要現身呢？如果呢啲就係新生代嘅所謂『政治道德』，我只能坦白承認自己嘅脫節了。」
網民：唔會有人再信獨琦
網民紛紛留言附和。「Katie Yip」稱，「都係因為你（獨琦），好多人先會信青政但係點解你潛水潛足咁耐，冇任何表示？交代一聲都要啦！係你當初話全力支持Plan B㗎！你對唔對得著（住）信任過你嗰班人？」「Ngo Lam Yue」也狠批道，「自己買馬輸唔緊要，但係（獨琦）放貼士叫人買呢隻大家都認為唔掂既（嘅）黑馬，大家叫做信你先肯用4年前途買，之後隻黑馬咁既（嘅）表現，放貼士條友竟然潛×左（咗）落地核，無論梁天琦係真鬼又好假鬼又好，反正我諗唔會有人再信佢。」
寸琦盪失路冇wifi冇錢冇電話
疑為獨琦支持者的「JoJo Wu」辯稱，「淨係知天琦而（𠵱）家喺加拿大，過幾日會返黎（嚟）香港。好想佢快啲返黎（嚟）解釋。」仇思達即秒殺道，「呢個世界有互聯網架（㗎），佢喺天涯海角都好，有信號就已經得啦。發生咗咁多事，直到今（昨）日『糧油』搞集會，佢都可以完全無提過。喂，大佬，點講得過去呀？」「Katie Yip」就借「糧油」赴台時聲稱無帶錢電話無電又無網絡一事揶揄道，「咁你喺加拿大電話有冇電？有冇wifi，有冇錢？有冇盪失路？」
「Ngai Kim Mei」則為獨琦另找借口稱，「呢個時候梁天琦可以講咩？人地（哋）選舉呈請中架（㗎），講支持『港獨』咪死實啦！」「Wong Wai Nok Samuel」還擊，「火唔火上加油係睇下佢出黎（嚟）做乜講乜既（嘅）姐（啫），始終planB係因為佢先出現，佢亦叫支持者過票俾（畀）青政，依（𠵱）家佢既（嘅）plan b咁大穫（鑊），佢有責任交代並跟進。」 ■記者 羅旦
