■中女不斷向曾俊華助選團咆哮。 fb截圖曾俊華（薯片）噚日落區搞咗場大龍鳳，以為佢一面倒得到市民支持？非也！有facebook專頁噚日上載一條片段，片段入面有個中年女子不斷向薯片助選團咆哮，但無顯示薯片喺唔喺現場。
個女子先用上雙語廣播，話薯片支持香港基本法第二十三條立法，仲反問：「咩叫less evil？佢做過啲咩呀？有咩政綱呀？」其間有個阿叔同佢隔住幾十米對罵，佢就重複薯片支持廿三條立法，又話：「香港人有票咩？」
薯仔籲簽名撞正「公提人」
雖則薯片話要團結社會，但一眾薯仔一於當個女子無到，你有你鬧，佢有佢宣傳，不過最抵死係當其中一個薯仔叫拍片者簽名支持時，拍片者一句「我支持『公民提名』嘅」秒殺薯仔，薯仔唯有死死地氣答：「無吖嘛（𠵱）家。」
■記者 陳庭佳