■直播施政報告記者會時，《熱時》由「萬人台」變返「百人台」。 黃洋達fb截圖特區政府開放網媒採訪，號稱「萬人台」嘅「熱狗」喉舌《熱血時報》亦都有份，前日就入咗政府總部直播施政報告記者會，咁大單嘢估吓有幾多人睇？少兩個「0」啦！而佢哋嘅過氣「首領」狗達（黃洋達）分享《熱時》直播嗰陣，就話《熱時》「器材不足」，俾「無敵神駒」仇思達捉到應一應，問佢以成立「熱狗仔隊」名義籌咗成兩球嘢使咗去邊？
「萬人台」變「百人台」
難得《熱時》有大嘢做，狗達前日仲唔喺facebook好威威咁分享咩？佢話《熱時》第一次去到政府記者會，「但器材不足，SOSAD」。
神駒當時截咗妏洁A原來圖中顯示「熱狗」最唔想見到嘅事實：嗰刻直播得嗰105人睇。
神駒仲寸「熱狗」係「人間垃圾」，「收視長期處於極低水平，都吹大百倍，然後聲稱自己個『萬人台』可以同無綫對撼」，又提到「熱狗仔隊」籌到超過195萬元，但依然「器材不足」，叫狗達「×街」咁話！
向來反「熱狗」嘅fb專頁「香港癲佬力量」就叫狗達推「城邦派國師」傻根（陳云根）出嚟幫手乞金，「賣港陳雲（傻根）咁多信徒，《熱血時報》話事人老千達（狗達）應該叫賣港陳雲籌款幫《熱血時報》買器材啦！」■香港文匯報記者 陳庭佳
