■左起：雷莊𠒇、張名雅、苗僑偉和張寶欣現身記招。香港文匯報訊（記者 梁靜儀）苗僑偉（三哥）、應屆港姐冠軍暨最上鏡小姐雷莊𠒇、big big channel最受歡迎香港小姐張寶欣及張名雅昨日到將軍澳出席明珠台《台慶鉅獻：天與地II》記者會。
三哥表示從小已喜歡睇紀錄片，由於第一次聲演感到有點壓力， 他笑說：「係幾好玩，六集錄咗三日，難在係啲用字同發音， 同平時講嘢唔同，要好標準，唔可以有懶音， 我配音時旁邊都有導師指正我。自己講廣東話有啲鄉音，（多唔多懶音？）實有，平時講嘢係唔覺。」但配音與拍劇相比，三哥就覺得拍戲比較難，因配音有稿讀不用記對白，其實配音都要有戲，要代入動物的世界，這樣才吸引到觀眾。
張寶欣雷莊𠒇口窒窒
提到有份主演的劇集《使徒行者2》在內地播出大結局， 馬國明現身留下伏線，問可有機會拍第三集？他說：「未收到通知， 要等高層決定，我邊話到事！要睇個故事有冇得發展， 因為已拍到第二集，再拍就要睇個故事點去延續發展，當然係有嘅， 反正我唔會變，係都做返卓Sir。」對於該劇在內地的點擊率理想，三哥認為故事可以寫得再好些。問三哥可認為卓Sir是他近年的代表作？三哥笑說：「 呢幾年嚟講算係，大家重新認識我，出街好多人都叫我『卓Sir』，（問鼎視帝？）視帝唔到我，自己冇所謂，因為我個角色情緒上比較少起伏， 唔及袁偉豪、黃翠如情緒起伏大。」他又謂睇好袁偉豪及翠如可以問鼎視帝視后。
同場的張寶欣與雷莊𠒇在台上介紹節目內容時口窒窒，事後張寶欣笑說：「都講得幾好呀，（因為比雷莊𠒇講得好？）唔可以咁講，係背得唔係好熟，跟住啲字講會好啲，都可以嘗試配音，始終未試過。」