■反對派媒體稱「青症」讓路給姚松炎。 fb截圖立法會補選於出年3月11日舉行，涉及嘅選區或弁酮玊O都只得1席，當然又係計到盡、爭崩頭。唔少網民都話又係時候睇吓反對派個「食相」，講真，佢哋個食相真係幾特別㗎，例如「民主動力」話要搞「初選」，但港島就「有倫理」要讓路；新界東、九龍西要「初選」，想落場就要交幾萬蚊過咗呢關先。但報名方法呢？噚日宣佈參選新界東嘅「撐獨」區議員陳國強就話唔知，網民揶揄佢「『初選』就畀（俾）『販（泛）民』DQ（取消資格）咗」。九龍西方面，講咗好幾次「青症」冇「Plan B」，但有媒體依然話「青症Plan B」讓路畀姚松炎選九西，搞到「青症」的士梁（梁頌恆）都出文揶揄「『青年新政』竟然有事小弟係完全不知道的」，仲質疑姚松炎做乜要轉跑道。補選仲有幾個月已經打成咁，遲啲一定仲多花生食。
除咗「有倫理」嘅港島已決定要畀返「中箭」（「香港眾志」）出選，新東同九西呢幾日都係狂打開口牌，係咁彈出彈入嘅姚松炎又選又唔選最終都話去馬，即刻大把人幫手「造王」，連反對派媒體都出咗條「『青症Plan B』退出改撐姚松炎」嘅新聞，激到的士梁死死吓。
的士梁回帶參選聲明質疑
的士梁噚日已經喺facebook話︰「『青年新政』竟然有事小弟係完全不知道的，我看來應該收山引退了......」再加多個「痴（黐）筋」嘅hashtag（標籤）。可能道氣仲未消，的士梁之後又出多篇文，引用姚松炎嘅參選聲明，質疑佢︰「那原本建築、測量、都市規劃及園境界那一席呢？噢......我都係出返去先......Sor（對唔住）......」
唔少網民都加入鬧爆傳統反對派咁樣出口術。「Isaac Cheung」就話︰「讓路畀姚松炎？個腦係咪載（裝）屎？」「Tinki Lo」揶揄︰「原來『民主派初選』當初有預『青政』，好彩你哋識趣fu×k off （死開）咋。」
「Patpat Lau」就安慰道︰「算啦，巴生（巴治奧，的士梁另一花名），隨得佢地（哋）風繼續吹啦。」「Wing Tang」就踢爆︰「功能組別無得羸（贏）嘛！」「Rita Kwan」就同情表示︰「叫基哥（民協馮檢基）情何以堪。」
新東方面都好熱鬧，反對派陣營入面噚日又殺出個程咬金，就係陳國強嘞。佢噚日喺facebook宣佈自己會參加新東「民主派初選」，但明顯就係想踩場，事關佢之前就出咗文話︰「香港島補選堅持有『政治倫理』，新界東就不適用？新界東無『倫理』呀？」唔少網民覺得佢講中心聲，佢亦喺自己篇文下面留言︰「見到班『泛民』政黨大哥，真的想揮權（拳）。」
「撐獨」區員未報名已DQ
之後佢就喺fb貼出自己嘅訪問，內容講到佢根本就唔知「泛民初選」點報名同點交錢，仲話連佢咁活躍嘅政界人士都唔知，批評「初選」做法唔公平咁話。「Wong Wai Keung」就揶揄︰「『初選』就畀（俾）『販（泛）民』DQ（取消資格）咗。」之後再搞事咁問多句︰「『初選』乜人有權投票先？民建聯可唔可以參加？」
「北區水貨客關注組」召集人梁金金（梁金成）就好支持陳國強參選，仲話「笑下（吓）班人都好㗎！」佢又質疑「初選」究竟有幾認真，話扣埋聖誕、元旦、農曆新年假期，出年3月11日之後唔知幾時先「初選」咁話，同埋到底之後輸咗嘅「小氣方丈和所謂大黨，是（否）會全力協助拉票助選呢？」
「Andy Ng」就預示︰「小心又鎅票論，你知有d（啲）人（意指『新民主同盟』范國威）恨做議員恨到發燒，咁啱坋v傅（鄭家富）又宣佈唔選！」■香港文匯報記者 甘瑜
