■麥美娟批評反對派議員在發言時就狂抽政治水。反對派拉布，根本唔係為咗咩「理念」，只係為反而反，最佳例證係喺剛過去周四嘅立法會上，辯論「全面檢討勞工法例」動議時，工聯會議員陸頌雄提出17條進一步保障工人權益的修訂案。當時，會議廳內反對動議的票數不足，有望通過，但民主黨議員黃碧雲（一嚿雲）就突然要求點人數，結果反對修訂嘅商界議員及時返回會議廳投票，令修訂被否決。陸頌雄不禁嘆道：「商界同僱主真係多謝晒妳黃碧雲呀！」
工聯會議員何啟明喺本周會議中提出「 全面檢討勞工法例，改善勞工權益」 動議，促請政府以捍衛勞工權益為首要任務，並盡快全面檢討及修訂各項與勞工事宜有關的法例，以確保該等法例與時並進。
在辯論期間，反對派期間多番發言拉布阻撓。
另一工聯會議員麥美娟當時就喺fb發帖話，呢個議案本來應該去年就可以討論，結果受反對派拉布阻延，拖到今日，「終可向政府反映打工仔女嘅訴求，議案剛於（周四）傍晚在立法會獲得通過。」
麥美娟：反對派抽水核突
麥美娟批評，喺整個討論過程中，反對派議員在發言時就狂抽政治水，「結論就係講嘢要用腦，抽政治水都咪抽得咁核突！我真心希望大家能正視、支持改善勞工權益，因為如果搞唔好勞工問題，無論咩界別以至整個社會都會受到影響，全部都係輸家！」
佢仲喺帖子中標註咗「抽政治水都唔好咁核突」、「公文（民）袋（黨）反對派錢唔通我哋次次都提市民邊個有份搞到大家無錢派咩」、「一嚿雲（唔為大局就連3日侍產假都無」、「到底係邊個唔積極爭取」、「改善勞工權益要齊心」等等。
何啟明議案好彩過咗，但陸頌雄就「冇咁好彩」。
陸頌雄昨日就以「點解商界同僱主要多謝民主黨黃碧雲議員？」為題發帖。
「勞工17條」被否決
原來，他在會議期間就何啟明的動議提出了17項修訂，包括立法訂定標準工時及超時工作的工資率，訂明標準工時為每周44小時；將法定假日及公眾假期的日數劃一至17天；盡快落實取消強制性公積金對沖機制；訂明法定最低工資水平的檢討期須為一年一次。
佢仲提出檢討《僱傭條例》下有關連續性僱傭合約的定義，讓兼職僱員可享有有薪年假、疾病津貼、休息日、遣散費、長期服務金，以及終止僱傭合約的代通知金等；檢討服務外判制度，訂明不論任何行業，總承辦商須為其分判商支付拖欠僱員的工資；設立中央、行業及企業三個層面的集體談判權制度等等。
陸頌雄提出這「勞工17條」，是為了保障工人權益。「原本會議廳唔夠反對票。但民主黨嘅黃碧雲議員，竟然企起身要求點人數，令到缺席嘅商界議員返回會議廳投反對票。最終，『勞工17條』被否決。」 ■香港文匯報記者 陳川