已報名參選立法會九龍西補選嘅老馮（馮檢基），當日解釋咁早報名係為咗可以用選舉條例去規管惡意攻擊佢嘅不實言論，仲叫大家見到失實抹黑可以PM佢，起勢咁抹黑佢嘅反對派頓時有所收斂，但又點會真係甘心？《蘋果日報》噚日就刊登咗之前聲稱「參選咗唔可以退選」嘅公民黨主席梁家傑嘅訪問，梁家傑話「講事實就得」，但又質疑老馮係搞「白色恐怖」喎。不過，facebook專頁「狙擊政棍小隊」就搵返梁家傑當年選舉時都講過，對家講嘅嘢最好有證據，暗示自己會出律師信𠻹，真係好「白色恐怖」啊！
雖然老馮係想抵制啲失實聲明，但《蘋果》個「李八方」專欄就問係咪成為候選人就「唔鬧得」，梁家傑就話選舉「梗有互相攻擊」，「講事實」、「有推論支持」就得喎，仲話「絕對唔係樣樣嘢都唔講得」。講得唔講得咁講嚟講去，其實都係想大家繼續鬧老馮啫。
稱收集抹黑證據係「白色恐怖」
梁家傑又質疑老馮公開收集「黑材料」嘅行為，係「搞白色恐怖，要人人自危個個噤聲！」《蘋果》即刻補充話「傑哥呢個評論都係根據事實作出，怕且阿基唔會去報警」，唱晒雙簧。
呢個訪問呢，《蘋果》自己就冇擺上fb啦，不過喺坉蚨纀葦袕ㄕ�4個留言咁多，兩個鬧老馮唔應該參選，兩個鬧《蘋果》同大台，真係平分秋色嘞。
「Eric Luk」就曲線揶揄︰「我們『泛民』不攪（搞）『初選』，圍爐取小麗、欽點Plan B李卓人，在（現）在已經一錘定音！基哥你雖然札（扎）根深水埗幾十年，但未得允許就自行參選，就係界（𠝹）票，別忘記票是『泛民』的！現在還公開收集『抹黑』材料，『學老共搞白色恐怖』！真不應該！」
「Stephen Wong」就直線抽擊︰「『李八方』第一段都識引用馮檢基講嘅係針對『失實聲明』，第二段就歪曲馮唔俾人鬧。所謂『民主大台』為左（咗）一個議席可以有幾卑鄙？」
又睇吓專業狙擊「泛民」嘅人點講。「狙擊政棍小隊」就出咗篇文狠批梁家傑話︰「基哥只係警告啲抹黑�嘅人收手都唔得。梁家傑自己都識講只要『講事實就得』，咁點解會搞到人人自危個個噤聲呢？唔通佢都知而（𠵱）家班飯粉黃絲攻擊基哥嘅言論好多都唔係基於事實？」
曾威脅出律師信警告謝偉俊
「小隊」又同大家考古搵證據，話2012年的立法會選舉論壇度，謝偉俊曾經批評公民黨慫恿市民打官司拖延港珠澳大橋工程，梁家傑當時話：「唔係只得你一個律師可以出律師信，剛才所說的事你最好有證據顯示，唔係你就大件事。」
霸氣到咁，「小隊」都忍唔住話︰「吓？搞白色恐怖呀？想個個噤聲呀？候選人唔鬧得呀？自己做候選人嗰陣就保障自己不被『抹黑』，但基哥就無免於被抹黑嘅自由？民主喎，公義喎，呸！」
「小隊」仲燒埋劉小麗嗰疊話，劉小麗兩年前狠批「簽確認書」嘅候選人「無原則」，今次補選自己走去簽就話要「保障選民」，同梁家傑一樣咁「寬己嚴人」，再加埋「多重標準」、「度己度人兩把尺」嘅標籤（hashtag）𠻹。
■香港文匯報記者 甘瑜