■蕭潤邦和江若琳昨日過大禮。香港文匯報訊 即將結婚的江若琳（Elanne)、蕭潤邦（Oscar）昨日進行了過大禮儀式，一對新人亦跟足傳統，未有在儀式中出現，完成後才與家人合照留念，事後兩人表示：「一個過大禮程序已經複雜到頭暈。」Elanne說：「今次過大禮我們盡量都跟足傳統，結果攰爆Oscar，每日有好多濕濕碎碎事要準備，有時我會突然彈起，問佢買咗呢樣、嗰樣未？佢話我終於有一個新娘的狀態。」
Oscar說：「傳統的事我真係乜都唔識，好彩今次搵了金牌大妗姐麗姐幫手，我每日好似小學生交功課咁，不停WhatsApp佢，我今日買咩？到今日(昨日)過大禮的時候，因為傳統新郎哥係唔出現，所以我只係負責做柴可夫，全靠一班兄弟同麗姐。」
至於問到禮金金額，Oscar則表示心意最重要，而且昨日自己是第二次畀禮金，希望未來外父外母感受到十足誠意，Oscar說：「之前求婚的時候，好驚世伯伯母唔嫁個女畀我，所以一求完婚即刻畀禮金，到準備過大禮先知，原來禮金係應該今日先畀，世伯伯母話畀咗唔使再畀，但係我堅持，我希望畀他們見到我的誠意，相信我一世都會對老婆好。」