民主黨釘書健（林子健）因為報稱喺旺角鬧市俾人擄走一事，被控報假案，一度高調傍住釘書健見記者嘅民主黨林卓廷，就寧願喺街邊寫揮春都唔肯上庭撐呢位「真兄弟」，唔少人睇見都心寒。有見法庭噚日裁定釘書健單案表證成立，facebook專頁「泛民可恥行為事件簿」就整咗個腦洞題，問大家覺得林卓廷呢位「好兄弟」會寫咩去祝福釘書健，係「出入平安」、「一路順風」、「監獄滿堂」定係「早日康復」呢？
網民腦洞大開 年年有魚（柳包）
雖然「泛民可恥行為事件簿」已經夠啜核，但正所謂識睇睇留言，網民嘅反應同樣精彩。「Lawrence Wong」話︰「『反眼庭（林卓廷）』話寫：『關我×事』四個大字。」「Joan Wong」似乎對釘書健當日強調自己「被擄」後去咗食魚柳包一事相當深刻，留言話︰「年年有魚。」「Hayes Hong」就形容林卓廷一開始攞釘書健件事高談闊論，出事就由釘書健獨自承受話︰「苯（笨）人出手。」
「Roger To」就話︰「精彩人生。」唔知點解？「Ah Yuen」就貼返公民黨黨魁戇橋（楊岳橋）張相出嚟開估，相入面就有佢句金句︰「案底令人生變得更精彩。」■香港文匯報記者 甘瑜