洪欣香港文匯報訊（記者 梁靜儀）洪欣昨日到觀塘出席活動，談到護膚心得，她表示後天努力都重要，更自爆不論床頭櫃或是手袋都放了護膚品，以便隨時拿來塗。她又大爆細女很貪靚， 看見她敷面膜又嚷着要敷，她敷完都會給她嘗試一下。復活節將至，洪欣表示大仔忙到連見都見不到，幸好還有細女陪她。
談到其19歲大仔張鎬濂最近在內地選秀節目《以團之名》勝出並正式出道，榮升星媽的洪欣表示尚未習慣：「我見啲星媽係跟住小朋友開工，我都想，但我連見都冇得見。」她指兒子不用工作就要返韓國接受訓練很少見到面，有時兒子在內地突然又會叫她幫手訂機票返港一晚，見一見家人翌日就走。她坦言也不知道兒子的行程，都會掛念他，如果知道他會在哪個地方逗留幾日，就會去探他，但如果他去韓國訓練，就很難騰空出來見面。
不後悔讓兒入行
問到可有後悔讓兒子入行？她說不會：「呢個係佢自己選擇。（心痛？）唔會，我都係做呢行知道係咁，而且佢細細個見過我哋做嘢，自己都有心理準備。（之前發生韓團男練習生被欺凌事件，可會擔心？）每個地方都有啲事情發生，唔可以將啲事情併埋一齊講，佢公司又冇呢啲事發生。（阿仔有冇搵你傾心事？）冇乜話唔開心，壓力一定有，不過佢係樂觀嘅人，之前參加節目壓力大，因為佢真正接觸跳舞的時間比較短，都擔心達唔到水準，應付唔嚟。」
她指在兒子比賽過程期間也有給意見，初時都有批評，後來知道他壓力大便改為鼓勵，她欣慰地說：「總決賽見佢進步好多，一、兩個月就咁大進步，當然唔可以同人哋跳咗十幾年比，作為媽媽我好欣慰、滿意同興奮，（有冇喊？）咁又冇。」
另外，問到她與老公張丹峰的婚變傳聞，洪欣避談說：「今日咁開心就唔好講啲唔開心嘅嘢，今日係開心、正面嘅嘢。」