■「河童」好傻好天真咁貼埋陳澍個澄清帖，間接踢爆周庭「講大話」。 黃之鋒fb圖片信「眾志」果然會中箭。「香港眾志（中箭）」秘書長黃之鋒（河童）、常委周庭因舊年6月21日參與包圍警總被控，警方需查閱兩人手機，及向facebook查閱周庭專頁及訂閱者資料。周庭前日就話，facebook香港辦公室拒絕警方要求，未畀警方任何資料，但事實好似唔係咁，facebook香港、台灣及蒙古嘅公共政策總監陳澍（George Chen）篤爆，facebook香港辦公室從未持有或儲存任何用戶資料，警方亦未就該事察訪facebook香港辦公室。
周庭舊年6月21日喺facebook貼咗�喺警總示威現場嘅相片，更吹雞谷人話：「你有警察，我有人民，我們在包圍警察總部，大家快來聲援！」警方近日向法庭申請搜查令，要求facebook提供該帖文的IP地址同周庭專頁訂閱者資料。黃周兩人此前仲直播講解警方手令，嚇到一班黃絲友瘋狂割席，「unlike（取消讚好）」周庭嘅專頁及帖文。
直播過後無幾耐，周庭就話有facebook香港辦公室嘅「朋友」聯絡佢，話facebook用戶資料都由美國嘅facebook公司總部持有，且受美國法律保護，所以facebook香港辦公室拒絕警方要求，沒有交出任何資料。
「河童」貼陳澍澄清帖幫倒忙
「河童」飛快轉發周庭「喜帖」，更好傻好天真咁貼埋陳澍個澄清帖。帖文中，陳澍話警察從未來過facebook香港辦公室，facebook香港辦公室亦無儲存任何用戶資料，唔知「河童」係咪專登呃自己友，但唔少黃絲真係以為美國主子為自己「出咗氣」。
黃絲易呃，但網民睇得清。「Chan Ka Wai」就話：「呢班××幾時講過真話呀！中箭！信佢哋就中箭啦。」網民「Keith Wong」亦話：「即係周庭自己係到（喺度）無中生有，作故仔？想啲人更加仇警。」
網民「Lo Fan」勸「中箭」咪吹啦，佢話：「持有香港 facebook 用戶資料嘅 data controller（數據控制器） 喺愛爾蘭嘅 facebook Ireland Limited，唔喺美國。」且facebook香港係答「我無」，而唔係「拒絕」。
「Lo Fan」又話，「正常而言無論俾（畀）料或唔俾（畀）料，都唔會通知相關當事人或戶口持有人，打草驚蛇通知相關人等可以構成妨礙司法公正。」■香港文匯報記者 杜思文