●「Joyjoy Ng」貼出聲稱早年與袁健龍的對話記錄，可見袁當年已多次採取拖字訣拒還錢。「Joyjoy Ng」fb截圖難分真與假，黃圈多險詐。香港文匯報早前報道，俾唔少黃絲追捧嘅大埔「連儂畫家」袁健龍因為周圍呃錢，搞到一位聲稱識咗�20年，而且多次借錢畀佢嘅黃店店主「Joyjoy Ng」都話要同佢割席。經過幾個月，由於目前身在英國嘅袁健龍仍然唔肯還錢，「Joyjoy Ng」就加大力度喺網上公開多項「證據」，意圖引導黃絲輿論，點知有網民就質疑，「Joyjoy Ng」因為曾被袁健龍踢爆係偽黃，所以先反咬一口，搞到成件事對比起啲靈異故事，更加撲朔迷離。
話說袁健龍喺幾個月前聲稱有人偷偷向佢fb上嘅朋友發私訊，指控佢借場「運動」嚟呃錢，「迫於無奈下」自製多張圖片交代自己喺英國畫畫支援香港「抗爭」嘅開支，但自從俾黃店「Jn Workshop」店主「Joyjoy Ng」踢爆借錢唔還兼呃飲呃食後，唔知袁健龍心虛定理虧，佢幾乎刪晒自己fb所有帖文。
公開追債對話記錄
為咗向潛咗水嘅袁健龍追數，「Joyjoy Ng」亦不甘示弱，喺fb貼出聲稱係呢幾年同袁健龍嘅對話記錄，內容包括袁健龍多次採取拖字訣唔還錢、自稱冇錢開飯要搵「Joyjoy Ng」黐餐，借錢借到屋企人都唔肯再幫佢等。
「Joyjoy Ng」更貼出入數紙怒斥：「借錢唔還，入數紙有大量，還錢呀！×街！」「你唔好再龜宿（縮）！係男人就出嚟，快啲出嚟當面對質！廢話少講你啲大話多到不得了，我有大把證據，你話對質但係又要block（封鎖）所有苦主電話！身有屎呀？出嚟對質呀！」
不過，網民對呢啲私人錢債似乎唔太感興趣，好似「Sin Leung」就話：「單野（嘢）仲未搞掂？」「Leo Rose」都希望件事快啲解決：「連儂畫家，不如四四六六講清楚佢，唔好大家估估下（吓），你又話我屈你，我又話你作嘢。公道自在人心，事實只會越辨（辯）越明。」
「Brian So」就轉載指控「Jn Workshop」係偽黃店嘅圖片，裡面提及「Jn Workshop」抹黑另一黃店「泰記壽紙網店」，而當時連「黃藝人」王宗堯都參與其中，站隊「泰記」，發帖質問「邊個屈人咁×k」。該圖又聲稱「Joyjoy Ng」協助警方拘捕「連儂畫家」認識嘅文宣「手足」，而「Joyjoy Ng」就惱羞成怒反咬「連儂畫家」先係偽黃喎。
??家網上假資訊氾濫，尤其擅長製造同傳播假資訊嘅黃圈，為咗抹黑仇人整出嚟嘅「證據」幾可亂真，分分鐘喺呢啲黃圈恩怨裡面，個個都係鬼呢。 ●香港文匯報記者 雨航