■歐陽震華和羅蘭及劉江齊出席活動。香港文匯報訊（記者 梁靜儀）歐陽震華（Bobby）昨日聯同滕麗名（阿滕）及呂慧儀等到將軍澳一間小學宣傳劇集《一屋老友記》，並公佈收視平均29點，最高更有30點。近日有傳Bobby的太太傅潔嫻有喜，問到是否要恭喜他？Bobby聞言即大笑說：「你們話有就有囉，套劇收視咁好都要恭喜吓，都唔知點解會傳到咁，唔通呢排興着波鞋佢着波鞋，(傳她肚凸凸？) 如果咁樣我都生得啦，一千張相裡梗有一張肚凸。」有指Bobby接小朋友實習做湊仔公？他解釋指是滕麗名戲中個女，對方跟他同樣住跑馬地又很黐他，所以拍戲返工、放工都載埋她。問到可有打算生育？他說：「無，兩公婆方向一致，鍾意二人世界自由自在，不過傳吓都好，都係喜事，我都好開心。」
滕麗名成視后大熱感壓力
滕麗名因《一》劇被視為台慶頒獎禮視后大熱人選，她不諱言感到有壓力。人氣急升連帶舊作都被翻出，阿滕慶幸沒有整容：「真係驚一驚，連第一套電影《四個32A和一個香蕉少年》都拿埋出來，因為我本來長頭髮被人剪淨半吋，那次真係喊出來，當時剛入行。」問到現時要她光頭是否會接受？她笑說：「而家叫我剃都ok，多些戲我會剃，(可要先問過老公？ )你未試過有光頭老婆呢，試吓啦。」對於被翻情史，阿滕稱不介意，但不想搞到別人，都是講多些老公。她又透露下星期即將出發到北海道工作，說到收視有32點便要着泳衣慶祝，她笑說：「到時要靠他們。」
呂慧儀在劇中飾演的「港女」被讚，她笑說：「我直頭係港太上身，連我自己都憎自己。」問到會否因人氣急升而押後追仔大計？她說：「唔會，時間係自己安排，追女啦，唔好追仔，我真係鍾意女，(努力中？)順其自然啦。」
