■千嬅應邀到美國出席紐約亞洲電影節。香港文匯報訊 楊千嬅早前應邀到美國出席紐約亞洲電影節，今次行程約逗留了一周，寓工作於娛樂，回程行李都滿載而歸，但她擔心返港後會被老公鬧到飛起！
楊千嬅早前獲邀出席美國紐約亞洲電影節，由她主演的電影《哪一天我們會飛》成為參展作品之一，千嬅亦獲頒亞洲之星大獎（Star Asia Award)，翌日她又出席《春嬌與志明2》的電影分享會及簽名會，席間千嬅透露《春嬌與志明》將開拍第三集，稍後又到內地拍攝真人騷，由於常常不在家，所以每次出外都會掛住丈夫及囝囝！千嬅言行確是一致的，因為此行她提早兩天來紐約放假，每次購物幾乎都是為丈夫和囝囝Torres而買，但她笑言也會懂得善待自己，結果在一輪衝鋒橫掃下，令其行李滿瀉，她要多買一個超大行李袋才能解決。
千嬅笑說：「人大了有了家庭後買嘢品味都唔同咗，現在會買小朋友嘢同家庭用品，好似有一種沐浴露隻味好有情意結，去到係Buy 3 get3 free，結果感染到成crew人都掃咗好多支，人哋唔知仲以為我哋好鬼污糟，大家可能有幻覺唔洗錢買咁。 得兩日買嘢所以要行動好快又果斷， 呢次行程好快，好似返咗去做女時候啲節奏咁快，不過買咗好多濕星嘢，返去實畀老公鬧到飛起，但係總括行程係好開心！」