香港文匯報訊（記者 梁靜儀）黎諾懿、李佳芯（Ali）及歐陽巧瑩等人，昨日到將軍澳出席明珠台美劇《無間諜戰》記者會，近日梁烈唯默認太太有喜，黎諾懿表示恭喜他們，恨生B的他透露與太太有睇中醫調理身體，並笑說：「太太容易懷孕嘅高峰期我就要工作，無理由請兩個鐘消失，現在拍緊新劇，如果再過兩、三個月都無，我應該要請返兩、三次假，一個月有一次（高峰期），太太都有量度體溫留意高峰期，家燕姐教嘅！」
不過他強調並不心急生B，又稱自己想要兒子，但太太則想要女兒：「《愛回家》啲同事話我係外父相，我希望有一仔一女。」另外，提到他於剛播畢的劇集《純熟意外》內高呼「我是上帝」而成為「萬能key」，他笑說要多謝網民，並謂很喜歡較奸的角色，因為有發揮。
李佳芯以旅行測試男友
近期甚少露面的Ali笑言自己有「自閉底」，更試過一星期不說話：「以前一年至少一次一個人去旅行，可以一個星期唔講嘢，之後同朋友講返件事，佢哋話『我個口咪好臭？』」問到一個人去旅行有艷遇？她說試過被人撩：「有人會好奇點解我一個人嚟，有啲仲會話交換電話夜晚約出嚟，但我就卻步，因自己一個女仔，要小心需要保護自己。」
她又稱從未試過與男朋友旅行，但覺得在關係穩定前需要試一次：「因為當體力最攰時可以睇得出人性！」提到男友陳炳銓，Ali指認識對方才約一年，現在仍未穩定，需要時間睇，加上做這行一齊出街會比較敏感，要看大家造化。