■公司今年聘請新員工作市場推廣，定價策略較以往進取。雖然香港的創業風氣愈來愈盛行，但對於年輕人而言，要創業還是需要莫大的勇氣。「好多同學話畢業後簡簡單單搵份工就算，我覺得創業就要敢輸，如果驚輸，驚浪費時間，佢唔敢行出呢一步，就永遠都做唔到初創（企業）。」林世聰表示，自己當年創辦Air Button時仍然是大學生，但正因為「乜都唔知，所以試下先」，讓他敢於踏出第一步的，是有面對輸的勇氣。
要成為初創企業創辦人，心口得一個勇字是不夠的，黃議德指創業過程中令他明白到初創團隊的重要。曾經試過一個人創業的他，發現要做的事太多，但人人僅得一對手：「一直都係一個人去做，唔知道要點做銷售，點搵客，甚至技術支援得我一個人都未必跟得晒。當時面對成間公司的發展，我係遇到一個樽頸位。」吸收以往經驗，明白到每個人各有所長，需要互相配合才可令生意做得更好，所以他在早期成立Air Button時，找來老友林世聰拍住上。
內地初企產業鏈較港成熟
Air Button在2014年曾入選為「數碼港培育計劃」成員，亦試過在內地參與創業比賽。黃議德指即使香港創業氛圍愈來愈好，但現時本港科技創業文化只屬於初步階段，反觀內地的初創企業產業鏈相對成熟，初創企業在融資金額方面的限制亦較小：「內地初創企業由幾百萬元到幾億元（融資金額）都有唔同人幫手和承接。」他期待將來香港的初創企業產業鏈發展成熟，讓本地初創企業能夠獲得更多資源，不再只局限於中小企規模。