■村長托親友在fb溫提「黃絲」，寄信畀佢要畀足郵資。 fb截圖社民連「村長」黃浩銘因為衝擊立法會罪成，要入赤柱坐成13個月，雖然有「黃絲」寫信畀佢，但佢都好似唔係好開心，點解？佢日前透過親友喺facebook叫班「黃絲」，寄信時畀足郵資，如果唔係就會喺妧誘丰鷘釩蛈彼①A原來都係為咗一個「錢」字。有網民就號召大家一人一信「問候」村長，不過係畀唔足郵資嗰隻，等佢扣晒啲糧喺入面無錢使！ ■香港文匯報記者 陳庭佳
黃浩銘點解俾人叫做「村長」？就喺2014年6月，示威者反對新界東北發展前期撥款，有人拎鐵馬想隊入立法會嗰陣，黃浩銘就截停佢哋，仲話「但村民唔係咁諗」，成個村長咁！不過，村長最後都因為呢鑊嘢被判入冊13個月，同時由於佢仲有幾單案在身，刑期都唔慌會短，所以喺16個所謂「政治犯」當中，就得佢一個編咗去通常要坐耐啲嘅赤柱嘞。
話粉絲寄信貼唔足郵票
村長日前托親友喺fb話，自己收到大疊支持者來信，有封小朋友來信仲睇到佢流馬尿，不過佢最後都要溫提一句：「請寄信的朋友，麻煩付足郵資，否則，不足的金額就要在黃浩銘獄中的工資入面扣。」
唔知係班「黃絲」淨係識喺網上噴口水，對郵費嘅認知仲停留喺個四（1.4元）甚至係個三（1.3元）嘅年代？而村長睇信睇到流馬尿，唔知係咪唔關內容事，而關自己要扣糧嘅事呢？
網上有口痕友叫大家一人一信，扣晒村長份人工咁話。「Mak Mak」就慨嘆村長連少少錢都睇得咁重要，「點做大事吖！」「Leo Chau」就叫村長唔使怕，因為有反對派嘅「在囚抗爭者支援基金」，個個月畀一皮嘢呇w家，「點扣都扣唔到一萬蚊啦，你估真係咁多人寄信畀你咩！」
「東區民記」抽戇橋水
呢排喺網上好活躍嘅民建聯東區支部，就喺fb提到有街坊好想問候「雙學三丑」，但唔知點寫信畀佢哋，然後就好有愛咁分享「香港眾志」個郵政信箱，仲話相信「眾志」唔會有任何篩選，直接將大家嘅問候轉達畀佢哋。
支部仲整咗張圖，除咗叫佢哋唔好「佔倉」，仲抽公民黨黨魁「戇橋」楊岳橋水，問佢哋嘅人生有無因為入冊而變得精彩。
提提大家，由下年1月1日開始，30克或以下嘅本地信件嘅郵費，將由個七（1.7元）加到兩蚊。