■街坊無視「中箭」的街站。 「香港眾志」fb圖片「中箭（香港眾志）」成日想靠政治化教育議題去食糊，但事實上香港人已經唔係點理佢哋。話說「中箭」近日為咗反基本法教育，周圍擺街站，希望大家出席佢哋嘅「討論會」。不過，佢哋facebook貼出嚟嘅相，就反映多數街坊都唔騷佢哋。有網民亦留言揶揄︰「好心你就咪放啲相出黎（嚟）啦，完全暴露晒你地（哋）啲丑（醜）態！」
「中箭」前日出post講自己喺天水圍繕饈腹u對抗洗腦」嘅情況，呼籲市民去佢哋嚟緊喺教協總辦事處搞嘅「民間自救制止洗腦學生討論會」，但4張相入面都冇一張有街坊肯同佢哋互動，睇嚟�哋嗰日都食咗N個檸檬。
網民「李秋华」就留言︰「好心你就咪放啲相出黎（嚟）啦，完全暴露晒你地（哋）啲丑（醜）態！」「Jackson Chan」就反問「中箭」︰「討論會？已定有立場，如何討論？」
「李國榮」則怒斥「中箭」︰「香港嘅前途我洗（使）×呢班畜生去決定咩，佢哋自己嘅前途都決定唔到啦，我嘅前途駛（使）乜佢幫我決定呀，成×日喺度代表香港人，我幾時要求佢哋代表我？」
「箭粉」叫封殺異見者滅聲
口就話民主，但都係得把口嘅啫！疑似「中箭」支持者「Poa Yuen Lam」提出要封殺異見者︰「麻煩admin（管理員）block（封鎖）哂（晒）所有『5毛』，......搞事的人是不配擁有言論自由的，不要給牠（他）們機會利用這裡作為生財工具和散佈歪理的地方！Block block block！」「陳奕深」就反擊道︰「即係話言論自由唔係人人有，尼（呢）啲咪龍門自己搬囉。」 ■香港文匯報記者 甘瑜