■成班琦粉炒晒車崩潰ing。 fb截圖所謂標題黨，就係喺起標題講啲唔講啲，達到誤導的效果來呃Like，但呢招有時都會捉蟲：《蘋果日報》即時新聞昨日報道旺暴案裁決時製圖，圖中大大隻字話「梁天琦煽惑暴動脫罪」，搞到成班唔用腦嘅「港獨」分子興奮到不得了。結果？佢哋睇真啲，即刻鬧爆《蘋果》跣人，「肥佬黎可恥！」
《蘋果》即時新聞幅圖大大隻字「脫罪」，但帖中細行字就寫「梁天琦煽惑暴動罪罪名不成立，但一項暴動罪成，而另一項暴動罪則未能達至一致裁決」。
不過，「獨」上腦嘅人點會認真睇內文吖，唔少人都因為幅圖而中伏。
「Jordan Kwan」就留言話：「好人有好報，梁天琦終於吉人天相，香港英雄梁天琦，以你為榮！」「Alex Chan」即刻鬧：「坐監啦！暴動罪成呀！」「Chor Shing Wong」補多句：「仲有襲警。」
「Stephen Wong」就狠批：「蘋果點出新聞架（㗎），而（𠵱）家係參與暴動罪成，只係煽惑暴動不成立。咁出 post 好似佢無罪獲釋！肥佬黎可恥！」「Alex Chan」也道：「蘋果日報不嬲跣自己啲讀者啦！」
■香港文匯報記者 陳川