■搣時潘喺鏡頭前大show爛到上大髀內側嘅黑絲。 fb截圖一般人都希望老師端莊沉穩，補習老師都應該係咁，但如果成日喺網上露肉、賣裸照，仲係「港獨」支持者嘅人幫小朋友補習，應該會嚇死唔少家長。不過，支持「港獨」、成日以「身體自主」為由去賣裸照嘅中大學生會前幹事黃于喬日前係facebook同Instagram宣佈，自己同另一個「獨人」、成日露肉所謂教中文嘅搣時潘（潘書韻）一齊開補習社，由小一到成人嘅課程都有喎。佢哋教成點就唔知，但佢哋日前直播講補習社開張嘅時候，搣時潘就腿張開，展示佢對爛咗嘅黑絲。嘩！咁樣為人師表，真係各位家長、學生睇路啊。
露骨話冇錢買褲着
黃于喬同搣時潘喺直播嘅時候就講到佢哋會開「成人英文班」同埋「高中英文班」。而講講吓，黃于喬就唔知點解講到自己被稱為「黑絲女神」，因為佢成日着黑絲，但出晒名鍾意賣裸照嘅妠N話，成日着黑絲係因為冇錢買褲喎，真係人唔笑狗都吠。
搣時潘聽緊黃于喬話自己係「黑絲女神」時都不甘示弱，即時張開雙腳，大show自己着咗條爛咗嘅黑絲，個叉開到上大髀內側，唔少網民都覺得唔知自己睇咗啲咩。
講真，為人師表做啲咁嘅嘢，咁多位家長都咪話唔驚。大家都知青春期嘅年輕人比較易受人影響，俾啲咁嘅人做老師，都驚自己小朋友「近朱者赤，近墨者黑」啊，仲要擔心佢哋會唔會被播「獨」洗腦。老老實實，老師身教係好重要嘅，示範一個好嘅榜樣係每個老師應有職責，𠵱家有兩個咁嘅所謂「補習老師」，家長真係要睇實自己小朋友學緊啲乜嘞。 ■香港文匯報記者 馬壯