■戴耀廷近日邀請網民去讚好一個叫做「乾淨選舉行動」嘅fb專頁。 fb截圖又「風雲」又「雷動」，又「初選」又「欽點」，反對派輸吓輸吓議席越輸越冇。「佔中三丑」之一嘅戴耀廷似乎又有新搞作，近日就邀請網民去讚好一個叫做「乾淨選舉行動」嘅facebook專頁喎。之不過，戴耀廷平時就最鍾意操控選舉，呢個舉動真係充滿諷刺，難怪網民都截圖貼堂去批評佢︰「呢條賤人，搞完『雷動』控制選舉後，而（𠵱）家同你講乾淨。」
世間最諷刺嘅事，莫過於呢頭有人搞風搞雨，嗰頭又要求「乾淨選舉」。近日反對派嗰邊出咗個「乾淨選舉行動」嘅fb專頁，大家都唔太知佢乜頭乜路，唔知係咪見太冇人氣，戴耀廷近日就出手邀請人哋去讚好啦。
網民批難聽過粗口
不過，網民明顯唔受呢一套。「Patrick Wu」將戴耀廷個邀請截圖貼堂，開post大鬧︰「呢條賤人，搞完『雷動』控制選舉後，而（𠵱）家同你講乾淨。」佢認為咁樣同殺咗人後聲稱要「認罪悔改」，再同你講宗教信仰冇分別。
呢個post好快就喺網上廣傳，而唔少人都鬧爆戴耀廷。「Evangel Mak」直言︰「『乾淨』呢兩個字，由戴耀廷講出來，真係仲難聽過粗口呀！」「Kin Chan」話︰「9（九）流軍師冇單好嘢！」「Seven Chuk」反問︰「2016（年）『雷動』計劃，2018（年）乾淨選舉，夠精神分裂才像『泛民』嗎？」「熱狗」「陳到」直斥︰「 請先承認『雷動計劃』是干預選舉吧。」
有批網民就看透世事咁解讀戴耀廷嘅舉動。「Terry Tam」話︰「佢無話自己乾淨啵，佢要其他人乾淨啫。」「Jessica Shum」揶揄︰「做得乾手淨腳D（啲）呀！」 ■香港文匯報記者 甘瑜