反對派喺選舉上越選越冇，成個陣營都明顯亂晒陣腳，於是花式巧立名目諗住谷人氣。話說《明報》日前搵咗最近敗選嘅工黨李呃人（李卓人）同冇贏過嘅「東九龍社區關注組」個「獨滔」（陳澤滔）去「對談」，前者代表傳統反對派，後者話係代表「本土派」喎，真係嚇咗唔少人一跳。中大「獨」講師劉正就喺坉荂u無神論者的巴別塔」到出文炮轟香港傳媒「水平低下」，搵啲「九唔搭八嘅人」嚟做代表，仲鬧爆「獨滔」根本想黐「飯民」搵食，仲好意思扮「本土派」咁話。 ■香港文匯報記者 甘瑜
話說《明報》上星期出咗篇李呃人同「獨滔」「對談」嘅新聞，內容講到兩個人點睇反對派議員投票率、新來港人士、「勇武抗爭」等等，仲得出一個兩人都認為應該鼓勵「本土派」參選嘅結論𠻹。
「獨人」批招搖撞騙
咁樣嘅一篇報道，咪辣着唔少真正嘅「本土派」以至「獨派」分子囉。劉正喺「巴別塔」個專頁度一輪數臭「獨滔」過往表現。佢話，「獨滔」「無時無刻都想痴（黐）住『飯民』埋堆，......拎住『本土派』個名扮哂（晒）代表，除咗招搖撞騙仲有咩意思？」
劉正話，李呃人講到自己幾咁同情「本土派」都冇用，根本冇人理佢，大家反而要提防以「本土派」牌頭去欺騙「本土派」支持者嘅人，「偽『本土』范國威、陳澤滔之流──仲記唔記得范國威話當選後會動用議席資源支援『抗爭者』？當日投佢一票班『本土』懵×醒番（返）未？」
議員開會投票當返工
對於佢哋兩個都扮晒正視問題咁講反對派議員投票率問題，話「議員投票出席才最重要」，劉正亦都大鬧︰「出席投票表態最重要，同啲打工仔準時番（返）到公司打完卡之後全日發呆等放工有乜分別呀？......咁同選個KOL（意見領袖）入去有乜×嘢分別呀？我唔知班『飯狗』點諗，但自稱『本土派』果（嗰）條友就唔×該食屎啦！」
李呃人喺訪問度仲話「本土派」嘅問題係「圍爐」，只有選舉先可以擺脫呢個問題，因為選舉會令人面對群眾咁話。明晒，都係想講選舉啫。劉正就唔受呢套，反駁話︰「愈係想欺世盜名搵笨×嘅人，就愈係鍾意將啲陳義推到天咁高，但偏偏說話漂亮，背後真正目的卻現實得不得了，就係只係為咗個安安份份（分分）幾皮嘢準時出席會議投票然後收工BYE BYE嘅議席。」
劉正話，所有諗住同「飯民」合作嘅都係「偽本土」，而咁嘅人仲自稱「本土」，就係「欺世盜名搵笨×」。唔少人都鬧「獨滔」係呃飯食嘅政棍。「Fong Sitefong」話︰「（20）16年扮『毒販』，（20）19年變『本土』，假如選到立即做『販民』，角色互換，羸（贏）晒。」「Danny Chung」就望住「獨滔」受訪張相話︰「發福不少，埋左（咗）『飯民』堆食唔少（人血）饅頭。」