■鄭中基與方力申聯手聲演。香港文匯報訊（記者 梁靜儀）首部真人歷險電影《POKÉMON 神探Pikachu》(POKÉMON Detective Pikachu)，將於5月9日正式上映。全球粉絲將首度於大銀幕上捕捉到前所未見、以神探身份現身的Pikachu。
適逢昨日是兒童節，電影公司趁機率先公開香港粵語版配音陣容，當中的靈魂人物兼人氣精靈Pikachu，英語版由賴恩尼諾斯（Ryan Reynolds）聲演，而粵語版則找來跟Ryan同是幽默風趣、又是好爸爸的鄭中基（Ronald）來聲演，而戲中另一重要角色─要透過Pikachu查出爸爸失蹤真相的Tim，英語版由《侏羅紀世界：迷失國度》積提斯史密夫（Justice Smith）真人飾演，香港則由方力申（Alex）聲演。
久未再合作的Ronald及Alex 今次聯手，加上貼地粵語對白演繹，務求用靚聲換來全港大、小朋友的歡樂笑聲！私下十分老友的Ronald和Alex，早已默契十足，原來二人不約而同地在電影甫推出英文預告時已有留意，Ronald 說：「我自己一直好欣賞Ryan Reynolds，當時睇預告知道佢為Pikachu配音已經覺得好過癮，點知無耐就接到電影公司邀請話想我為香港粵語版配音，巧合得嚟又好似幾好玩，加上我都好耐冇配過卡通，決定挑戰吓。」
而Alex 就稱一收到邀請並得知Ronald亦有份參與即二話不說答應：「我同Ronald好熟，但有一段時間冇合作過，所以一聽到話佢都會一齊配就好興奮。同埋之前都希望可以接到有適合嘅作品可以同我游水學校嘅小朋友學生一齊睇、一齊分享，時機啱啱好。」