香港文匯報訊 陳家樂和曾樂彤早前為百老匯拍攝新一輯電視廣告，飾演情侶。這對同門已不是第一次合作，而且家樂原來還差點做了曾樂彤第一首歌的MV男主角，曾樂彤表示：「本身第一首MV係打算搵佢拍，最後天氣關係，夾唔到佢個期，所以變咗去台灣一齊拍旅遊片。」廣告片其中一幕二人在擂台上戴拳套互打，其間曾樂彤慘食家樂「幾拳」，曾樂彤笑說cut機後即刻「還拖」，她說：「本身同陳家樂都熟，所以拍嘢都唔會怕生保，今次拍攝有拳擊場面，有幾下要碰拳唔夠佢大力，被佢『打』到差啲企唔穩，所以cut機之後我即刻揼返佢幾吓。」陳家樂就指因為之前跟曾樂彤去過台灣拍片，所以都好熟她的脾性，合作起來都有默契，「曾樂彤係癲嘅，我都唔係流嘅，哈哈，我都喪嘅，所以唔會驚佢，我驚佢驚我啫。」