■黃之鋒回應對德國的回應「失望」。 fb圖片「香港眾志（中箭）」秘書長黃之鋒（河童）成日叫人捐錢畀佢打「國際戰線」 ，即係周遊外國叫人哋制裁香港，舊年9月仲去到德國搵人哋外長馬斯（Heiko Maas）打卡，唔少「港獨」分子都話對佢寄予厚望。不過，馬斯早前回應當地電視台問會否以制裁方式迫中國撤回港區國安法時，佢就直言畀河童打卡唔代表贊同佢觀點，仲講河童嘅分離主義，同德國的對華方針不符，河童則喺Twitter回應話對德國嘅回應「失望」，繼續用負能量去「打國際戰線」，有「港獨」分子就叫河童「不如你都係收下把口少啲出國」。
咁樣話河童都唔係冇原因嘅。中大「獨」講師劉正喺facebook專頁「無神論者的巴別塔」就咁話：「繼走去韓國電視台逼宮（韓國總統）文在寅一定要表態，然後又對德國政府表示失望，之前仲好似×過（美國總統）特朗普添（𠻹），有無人記得？似乎佢經已升級成『國際線長毛（社民連梁國雄）』，專門幫香港人響國際社會×（趕）票。」
「無神論者的巴別塔」仲質疑：「德國外長呢頭同你影完相，果（嗰）頭竟然可以唔客氣到話『合照唔代表認同佢』，連少少修飾都慳番（返）」，唔通係河童「又用佢果（嗰）隻『不卑不亢』嘅態度頂撞激嬲人？」
「無神論者的巴別塔」又揶揄河童睇得自己太重要︰「個（德國）政府又唔係你選，要講失望都係由選民講，關你×事？」，再補刀「黎（嚟）我地（哋）地方求人然後唔幫你就話失望，而（𠵱）家老奉架（㗎）？」 ■香港文匯報記者 黃書蘭