■蟲泰跨區抽大埔水，仲話要收集意見。 仇思達fb圖片屬於新界東嘅大埔會多一間戲院，咁關「熱血公民」主席、新界西嘅立法會議員鄭松泰（蟲泰）咩事？話說鄭松泰連同運頭塘「社區主任」黃兆健印咗張傳單，話大埔戲院最快明年底開幕，要收集大家對區內康樂設施嘅意見喎。成日追擊「熱狗」嘅「神駒」仇思達就喺facebook出文話︰「大埔開戲院關你『熱狗』×事咩？間戲院又唔係你開，印傳單幫人宣傳把×呀？」
唔少網民都加入鬧「熱狗」認屎認屁。「Rugal K. C. Wu」揶揄︰「新界西議員跨區抽水。」「陳永仁」就直指︰「誤導選民以為係自己政黨政績。成張單張舖（鋪）排好似以為『熱血公民』有份爭取。」
其實張傳單都黐埋個大埔運頭塘「社區主任」落去，但黃兆健連區議員都唔係，唔少人都質疑到底佢做咗啲乜。「Kyle Lam」亦話︰「間戲院選址同運頭塘相距半個大埔，咁都關佢事？」「MoveWheel Y. L. Choi」直情寸爆表示︰「召喚『熱血公民』南極圈社區主任。」 ■香港文匯報記者 甘瑜
