■主持被踢爆人前人後兩個樣。 fb圖片為課金乜都肯制，前世！經過台慶得嗰200友蒲頭、連摺觀塘地辦同幾個project（計劃）之後，「熱狗」喉舌《熱血時報》越窮越見鬼，為咗乞課金，竟然做埋啲四級行為，喺節目度教人口交，極盡意淫之能事！咁都未算，其中兩個主持俾人起底，一個係隨時會去選區議會嘅社區主任，一個更加有份教細路做手作，睇嚟家長真係要睇實仔女，唔好俾佢哋學埋啲兒童不宜嘅嘢！
《熱時》呢個節目專講成人話題，入去網站重溫時雖然戴晒頭盔講明「十八禁」，但上星期嗰集真係超越晒香港電檢尺度，成班主持喺介紹一個教性愛技巧嘅手機程式時，個mon（屏幕）顯示嘅女性陰戶竟然無經任何馬賽克處理，仲要隔住個mon模擬調情，其中一個主持「小美」更加去舐另一個主持「Eric」部手機模擬口交！
做場大龍鳳，都係想乞課金啫，部手機沾滿口水嘅「Eric」之後乞都乞唔切：「開咗課金link（連結）喇，抵課金啦，電話都俾人舐埋！」另一個主持「Frank」加把口：「舐mon喎，幾時見過舐mon啫？」獻出自己條脷嘅「小美」亦都叫班「熱狗」可憐吓吽G「即刻課金啦！」
一直狙擊開「熱狗」嘅facebook專頁「香港癲佬力量」，更加發現其中兩個主持日頭斯文、夜晚荒淫，一個叫「菠蘿」嘅主持原來就係「熱狗」喺大埔運頭塘嘅社區主任黃兆健，平時會幫吓老人家量吓血壓、申請吓生果金咁，而「小美」更加會教小朋友做整吓書籤之類嘅手作，真係防不勝防！
網民亦高呼「救救孩子」，其中「Tam Wingchun」就建議廣傳「香癲力」個帖文，等班家長可以提高警覺保護小朋友。 ■香港文匯報記者 陳庭佳
