■陳秀慧恥笑姚松炎掛藍旗沾「本民青」光。fb截圖香港文匯報訊（記者 羅旦）「港獨」分子神憎鬼厭，「青症雙邪」落馬，「本土民主前線」發言人黃台仰更走埋佬，但就唔知點解今年稍後舉行嘅立法會補選，有唔少人要標榜自己獲得呢班「港獨」分子嘅「加持」，都咪話唔有趣。近日，有意參加九龍西補選嘅「瀆誓四丑」姚松炎，喺街頭掛咗張以藍色為底色嘅宣傳直幡，就俾人恥笑話係用「本民青」嘅顏色，唔知想博咩。
「熱狗」前「首領」之妻陳秀慧昨日就喺fb發帖，帖中上載咗姚松炎張藍色直幡嘅相，並恥笑道：「爭咩『本民青』endorsements丫（吖），直接落區用『本民青』顏色咪得囉！」
咁樣講可能真係諗多咗，但成班「熱狗」就紛紛加入批評姚松炎。「Buzz Lau」爆粗道：「×，無恥到呢......可能之後走出黎（嚟）話唔小心用錯左（咗）！」
「Jimmy Wu」則道：「佢會死拗話佢隻藍係唔同，好似_（人）民力量咁！」
「Luciferr Chan」就借用周星馳電影《食神》中的名句：「爭咩呀，溝埋一齊做本泛民青呀（吖）笨！」
「Alan Mo」就質疑道：「平日道貌岸然，懶係文明先進咁，一到利益所在，就紛紛露出食人本相。」