■狗達一聽到周庭DQ消息，馬上「歡天喜地」。仲話攻擊過佢綱領嘅要落地獄喎。 fb截圖香港文匯報訊（記者 羅旦）反對派經常私怨行先，今次周庭被DQ，2016年立法會選舉時輸喺呢班「偽獨潮童」嘅「熱青城」就最開心。「熱狗前首領」黃洋達（狗達）昨日就落井下石，發帖話：「香港近代選舉政治史上，最偉大的綱領就是『永續基本法』。曾經抹黑、攻擊、背叛這個綱領的，事實證明，必落地獄。」不過，就惹嚟另一「潮童」、「青症雙邪」中的梁頌恆（的士梁）反擊，鬧「永瀆你老母」喎！
狗達傻根作法「有請小鳳姐」
喺立法會選舉期間，「熱普城」政綱中、由「青城派國師」傻根（陳云根）提出話基本法將於2047年「失效」，所以提出所謂「永續基本法」，備受其他反對派中人恥笑，就連「狗主」黃毓民在敗選後都話呢樣嘢係有人「偷渡」入「熱普城」的共同政綱。不過，「自決派」嘅「眾志」同姚松炎等等，在當選後竟然去執傻根口水尾，咁又唔怪得狗達咁嬲嘅。
見周庭被DQ，狗達抽水，傻根當然唔執輸，話「天滅香港。因為香港人自作孽，害死自己也同時害死中國人」喎。
成班「熱青城」當然心感興奮啦。前「熱時」總編「海綿體」何偉健就發帖話：「睇住班2016年攻擊永續基本法既（嘅）×街而（𠵱）家一個個現眼報，真係心涼！」
「Chris-A Hung」就話：「仲記得係（喺）選舉論壇果（嗰）陣個個都話2047大限係偽命題，一選完就個個爭住抄話2047大限要關注！」
「James Chan」也稱：「當日駁斥永續基本法的，後來還不是將其重新包裝推出來嗎？當日作為競選口號的某些人，後來不是反口說從來不支持嗎？」
網民促周躝返英國搞蘇獨
「廢除雙重國籍行動」fb專頁就揶揄周庭：「周庭被DQ，唔緊要啦，可以死返英國搞個『英國衆志』搞蘇格蘭自決，同埋北愛自決。 殺得性起可以搞埋倫敦自決添。」
仲同傳統反對派開緊拖嘅的士梁，就抵唔住頸開狗達拖，發帖道：「你（狗達）返去食×啦好無？咁既（嘅）法都要永續？我永瀆你老母呀呀呀呀ar呀ar呀呀！」
