近期真係好流行所謂「口誤」，即係衝口而出講真話。好似公民黨主席梁家傑，此前就話「周庭唔係游蕙禎、姚松炎唔係梁頌恆」，試圖同「港獨」分子劃清界線。公民黨立法會議員陳淑莊，昨日就喺周庭被DQ後話，佢係「『（被）剝奪政治權利終身』香港第一人」，即刻令「港獨」分子玻璃心碎一地，猛鬧公民黨當被DQ的游蕙禎、梁頌恆甚至梁天琦係死人喎，所以紛紛出聲「恭喜」周庭。
在特區政府回應傳媒查詢，證實有參選者被裁定提名無效後，陳淑莊就發帖，話被DQ者如果係周庭，「她將是『剝奪政治權利終身』香港第一人。以其『罪名』，將會終身無得參選，除非她退出『眾志』、真心悔過」喎。
「同大台爭議席就唔係人囉」
就咁講，周庭同成班「獨派」，包括游蕙禎、梁頌恆甚至梁天琦都係因為唔符合法例要求而被DQ，但既然陳淑莊話係「剝奪政治權利終身」，咁班「獨派」自然好唔妥啦！梁頌恆就發帖，列出「香港民族黨」嘅陳浩天，「青城派」嘅中出羊子、「本民前」嘅梁天琦、「獨派」嘅陳國強同「歸英派」嘅賴綺雯此前都被選舉主任裁定提名無效。
游蕙禎就「賣弄文采」，發帖道：「以德報怨何如？何以報德？以直報怨，以德報德。我地（哋）成日講禮崩樂壞，其中一點就係響呢方面一直錯位，而從來冇去修正。」
其後，她在留言中先講清楚自己講嘅係唔妥傳統反對派：「孔子冇講過人地（哋）待薄你既（嘅）時候你要仍然大愛包容。」
曾經被傳統反對派「唔該借借」的陳浩天也發帖揶揄傳統反對派：「大多數人覺得只要乖乖地（哋）聽哂（晒）話，不斷割蓆（席）明哲保身，就唔會被圈出嚟打。......今日你冇事，下次都係到你。究竟係天真定扮傻，agenda由第一日已set好，就係敵人全殲。即使你今日願意被收買，到最後都係會被清算。」
「Christopher Cheng」就在陳淑莊的fb留言批評：「梁家傑陳淑莊話本土派獨派被DQ嘅唔係人！」「Jason Tsang」就揶揄：「你地（哋）呢d（啲）同佢地（哋）爭議席既（嘅）人畜生都不如丫，所（以）周庭係第一人冇錯嫁（㗎）~」「Dicky Cheung」就話：「所以係（喺）度講句：『恭喜晒（周庭被DQ）！』」
陳淑莊其後試圖補鑊，留言話自己係講「周庭是2017年人大釋法後第一個被DQ的參選人」，「至於梁天琦、賴綺雯等人被DQ，是在2017年人大釋法之前。」
網民「Lucy Chung」批評：「講咩人大釋法後姐（啫），剝奪參選權，咁都有得爭做第一人？」「WS Wong」就揶揄：「不如改口，係2018年第一人啦，好似新年頭注（炷）香咁。」
■香港文匯報記者 羅旦
