■fb專頁「廢除雙重國籍行動」回帶抽擊「神駒」。 fb截圖回力鏢呢樣嘢呢，無PG家長指引真係唔好立亂玩嘞。話說呢排「無敵神駒」仇思達踢爆「熱狗」（「熱血公民」）前「首領」狗達（黃洋達）將層樓拎去加按，仲因此寸對方睇好後市，唔受所謂「2047大限」影響，係背叛「永續基本法」喎。不過，神駒個契爺「狗主」黃毓民，喺同狗達擘面之前，都係拎住「永續基本法」、「買樓過多30年要補地價」等論調嚟拉票㗎，今次真係成個回力鏢片落神駒個頭度！
神駒接連幾日密密出post（帖文）笑熱狗嘅「永續基本法」騙局崩盤，話狗達宣稱「2047大限樓契變廢紙」，自己就寧按不賣，睇好樓市，背叛「永續基本法」，又中回力鏢喎。佢又話，「熱青城」當年提倡「永續基本法」係呃選票，「『2047大限』、『樓契變廢紙』、『巨額補地價』，純粹危言聳聽，（狗達）到頭來寧死也要保住疊『廢紙』。」
寸「大限論」鬧埋契爺
回力鏢中邊個仲未知！因為親「熱狗」嘅facebook專頁「廢除雙重國籍行動」噚日反擊，話狗主同「熱狗」拆夥之前、即係「熱普城」參加2016年立法會選舉嗰陣，狗主都係撐「永續基本法」㗎喎。當時狗主都有提到「2047大限」問題，話年輕人儲錢買樓，30年後地契就過期要「補地價」，係非常「現實」嘅問題。
雖然反對派政客立場成日都「五時花六時變」，拆咗夥又可以唔認數，所謂「永續基本法」的「綱領」都拋諸腦後㗎啦。不過神駒當狗主係佢契爺咁滯，今次咁落力笑「熱普城」用「永續基本法」呃選票，咪即係笑埋佢契爺？俾雷劈㗎喎！ ■香港文匯報記者 范童