煽暴派大力鼓吹所謂嘅「反送中」，又聲大大話要美國「制裁」香港，你估真係為香港人？其實搞咁多嘢咪又係為自己嘅選舉造勢。「中箭（香港眾志）」秘書長「河童」黃之鋒噚日藉被DQ一事「賣小強」，再次大講「人權」、「民主」，但有網民就看透世事，唔受佢呢套，爆料話河童之前交制裁名單畀美國時，入面冇政府高官、冇建制人士，「只有十八區的選舉主任名字」，揶揄佢根本只關心自己嘅議席，係「政棍中之政棍」。
斥只關心自己有冇得選
網民「Pak Kei Wong」噚日喺facebook發文，話河童之前有機會「代表」港人出席美國聽證會，但原來佢交上去嘅制裁名單，「所有政府高官、建制人仕（士）一律欠奉，名單之中只有十八區的選舉主任名字。當時已經覺得怪怪的，今天終於明白。可想而知，此人就算出席美國『聽證會』，最後所關心的都是區議會選舉、自己的議席會否（被）取消。」
「Pak Kei Wong」揶揄河童係「政棍中之政棍，×街中之×街」，「學民苦主大聯盟」就大讚佢鬧得好。
唔少網民都留言鬧爆。「Misa Po」就話︰「香港人不明白為何河童，何cc（何韻詩），羅冠聰，幾時做咗『代表』出席『聽證會』......其實『聽證會』只係形式上，實際香港係點，啲示威者如何，美國點會唔知，但河童，何cc完全冇提重點。」「Lee Jack」亦話︰「呢幾個都係謀私利。」 ■香港文匯報記者 甘瑜