■ 陳兆陽上載一張網上找的膠鍊圖片，聲稱有可能用呢種「膠鍊」，企圖引起市民反感，為分裂社會不遺餘力。fb圖片都話破壞容易建設難，泛暴派建設社區就得把口講，同埋講嘢都冇乜建樹，淨係識顛倒黑白、煽動市民對政府嘅不滿。黑衣魔常拆馬路旁欄杆，拆到總長可以從石澳排到機場，都未見沙田區議會泛暴派區議員陳兆陽為街坊福祉譴責呢個行為，日前卻假惺惺「關心」欄杆修復情況，並轉述路政署話「有機會轉用膠鍊」，更好勤力咁上載咗一張好肉酸嘅膠鍊圖片，聲稱有可能用呢種「膠鍊」，企圖引起市民反感，為咗分裂社會不遺餘力。
黑衣魔喺上年6月到12月拆走嘅欄杆，就足足有52.8公里咁長，夠有由石澳排到機場，全港仲有740組交通燈被毀，都咪話唔誇張。但所謂「神又係佢鬼又係佢」，啲欄杆俾黑衣魔拆成咁都唔見陳兆陽關心街坊安全、同暴力割席，反而一有機會就攞「街坊安全」當擋箭牌，扮「關心民生」，企圖挑撥政府與市民關係。
網民：叫暴徒還鐵欄杆
陳兆陽前日就忽然關注起道路無欄杆嘅交通安全問題，喺facebook大講路政署點樣仍未重新裝設好被拆走嘅欄杆，又話收到有「多位街坊」反映，喺愉城苑對出嘅欄杆久未維修好，令到「多位街坊」為貪方便而亂過馬路，造成交通安全問題。
陳兆陽仲認叻，講自己問咗路政署，話路政署答佢：「上面指示唔好裝住，有機會轉用膠鍊。」之後仲要圖文並茂咁擺張好肉酸嘅所謂「膠鍊」，話有機會係呢個云云。
網民「王乃松」就睇唔過眼，寸爆陳兆陽：「叫D（啲）暴徒還我們D（啲）鐵欄杆！」咁又係，暴力使香港的街道變得瘡痍滿目，作為「始作俑者」嘅泛暴派，不如去勸吓自己嘅「手足」以後唔好再周圍拆仲好。需知道每枝鐵欄同燈柱都係香港幾代人辛勤努力嘅結晶，前人種嘅樹唔可能係一朝一夕，任何破壞行為都絕對冇可能令香港變得更美好。
■香港文匯報記者 黃書蘭