■譚文豪做「撞車黨」迫人接信。 網上圖片特區行政長官梁振英女兒的行李事件，在機場管理局公佈調查報告，在完全無真憑實據證明有人濫用特權並沒有對航空安全構成威脅下，已經逐漸冷卻。不過，有意在今年9月立法會換屆選舉循九龍東出選的「飛機師」譚文豪，繼續咬住這議題不放，想盡辦法博見報機會。昨日，他到泰國向國際民航組織（ICAO）亞太區總部「直接遞交請願信」並要求會面，結果無人理睬，備受冷待，要做「撞車黨」才能向一ICAO不知名職員遞信，最終面懵回港，真係陰公豬。 ■記者 鄭治祖
被公民黨欽點為黨魁梁家傑「接班人」、但在去年區議會選舉中落敗的譚文豪，一直只能靠「飛機師」身份爭取在傳媒曝光，但講航空以外的議題則無人理會，故只得不斷回帶。他此前高調在facebook指，去信國際航空組織ICAO、ACI（國際機場協會）和 IATA（國際航空運輸協會），要求各組織跟進行李事件，惟ACI和IATA回信稱，回覆的責任在於ICAO。3個組織中，兩個都唔想理，可見其投訴有幾流。
不過，譚文豪只有這議題可見報嘛，於是「鍥而不捨」，稱要到ICAO總部，要求對方跟進行李事件。在預告此行時，他更煞有介事地在有關貼文中，標示「唔敢用staffticket驚上唔到機」、「買定泰航機票出發」、「一定要見到負責人」等主題標籤（＃hashtag）。
ICAO閂閘 唔畀譚返入去
昨日泰國時間11時，譚文豪終到達位於泰國的ICAO亞太區總部。他聲稱，「我哋出發之前一直有同ICAO聯絡，亦有講過今日呢個時間會遞信，但當我係（喺）保安室打畀ICAO職員時，對方表示全個office職員都開緊會，唔會安排會面或落黎（嚟）接信，更加唔肯透露自己姓名。之後更趁我離開保安室打個電話返香港之際，閂埋大閘同玻璃門唔畀我再返入去。完全無法想像一間國際機構，竟然會以咁惡劣態度處理訪客。我會繼續搵方法，務必將信交到佢地（哋）手上。」
竟做「企街」等ICAO職員離開
如果個個閒雜人等都要求見負責人，咁國際組織阿頭咪好唔得閒？雖然「面係人哋畀，架係自己丟」，但既已大言「一定要見（ICAO）負責人」，譚文豪點都要做足全套戲，於是就在ICAO大閘門外「企街」，等候ICAO職員離開。不過，如果負責人冇返工或開通宵，譚豈不是要等足三日三夜？所以他十分「精乖」地，見有人乘車離開大樓，好似幾高級吓，就扮「撞車黨」攔路，最終向對方「成功遞信」，又稱該「職員」接信並承諾將信件交予秘書長手上。
該信最終是否「情歸垃圾桶」就無人知，但譚文豪既然已「成功爭取有人接信」，戲又做完，相都影完，當然就收工返香港啦。有譚粉就護主心切，認為ICAO冷待這位不是官員、不是議員、不是業界代表的譚文豪就是錯，更遷怒ICAO亞太總部所在的泰國。
網民「Robert Chen」開罵：「What the Fxxk！ICAO = International Corruption Association Organisation？」「Pauline Leung」稱，「點解置於泰國，就係唔想正規辦事。」「Tin Cool」更聲言：「泰國呢d（啲）鬼地方，小心公安拉你屈×你販毒，終身監禁呀！」哈，睇留言，你就會知道：公民黨的支持者質素，真係好鬼死高嘅啫！