有人惡搞圖片揶揄黃之鋒借「色」抽水。網上圖片人總是要犯重複的錯誤，想選立法會，不如專心做事啦。「香港眾志（中箭）」秘書長黃之鋒（河童鋒），未到全盛時期所得罪的人已經夠坐滿大球場，仲要係自己攞嚟先至夠抵死。昨日，有某藥業公司出post介紹其facebook會有實習生協助面書Admin。因該公司使用的顏色和「中箭」類同，河童鋒就無端端在人主場留言抽水話「隻色揀得好」，即被恥笑其存在感真係低落，係要「爭住出（嚟）中箭」。
「幸福醫藥」的fb Admin一出post，河童鋒就霸頭位，讚人「隻色揀得好」。未知該Admin是否對河童鋒曾因批評激進派示威者「冇槍咪搞革命」而被改花名「U no gun」一事印象深刻，即時回覆道：「U no like？ Yes like？」方丈份人好小氣㗎，為公司搞公關的Admin竟敢寸河童？
幸好，Admin叫做唔使孤軍作戰，不少網民加入「聲討」河童鋒，指公司在廣告一直使用該種顏色，更狠批河童鋒驚人唔記得「中箭」而借「色」抽水。
晒Like多 又惹火
當「Felix Yiu」留言揶揄，「×，做到人地（哋）1% 公關先再諗啦中箭！」河童鋒馬上中二病發，即上載其個人fb賬戶cap圖，顯示其賬戶有300,690個likes，其後又貼圖顯示「幸福醫藥」只得33,052個likes。
人哋講關公，你就講like數，真係牛頭唔搭馬嘴，結果引來更多的批評和恥笑。真係唔該，如果「中箭」有「關公」，應該同黃之鋒講：「走啦，我唔想搞大件事呀！」■記者 鄭治祖
網民圍插河童鋒
Robbie Chun Kit：各位街坊，黃之鋒又派膠喇！
Geo Lun：原本唔洗（使）中箭既（嘅）事你（黃之鋒）都要爭住出黎（嚟）中，何苦呢？
Yiu Sing Lee：得罪講句，黃之鋒真係越撈越X，成日擔心人地（哋）忘記自己咁，自我存在價值有冇咁低呀？
Days Chan：得啦得啦， 係人都知你個香港中箭用呢隻綠啦，俾（畀）個叻叻你！
Allen Man：大鑊啦幸福，用時光機抄中箭，關公災難！
劉德亮：邊有人學到中箭，只有中箭抄人，個LOGO改個圓角當係自己嘅！
Roro Bordeaux：隻色人地（哋）用先又關你gif（黃之鋒）咩事？以為人地（哋）跟你用呀？......攔（躝）返去中箭度專心籌款啦！
David Chung：唔好跳出黎（嚟）X啦好嗎，有時係忍唔住笑.JPG
李風韻：幸福醫藥你搞到人地（哋）又身敗名裂喇。
資料來源：facebook 整理：記者 鄭治祖