文︰雨文 協力：Benny Wong
譚永浩（Jarryd ）2010年參加英皇新秀歌唱大賽 ，奪得金咪大獎及網上人氣大獎成雙料冠軍而入行，及後加入無綫藝員訓練班，唱而優則演，主持一系列年輕人節目，《激優一族》、《安樂蝸》、《一綫娛樂》等，最近更是網紅熱爆人氣組合「喂霞姨」的成員之一，他對保養身體及皮膚有其一番見解。
在保養身體上，平時他會注意飲食，由於他本身不喜歡吃太油膩及濃味的食物，但生冷食物卻很喜歡，例如雪糕、刺身等。不過，為了健康着想，他也不會經常吃。而且，他會盡量每餐都有菜，更要一開頭先吃菜，這樣對於消化及排泄都有幫助。另外，他每日都會盡量食生果或飲果汁。
其實，除了飲果汁外，他都很喜歡飲湯，因為屋企人鍾意煲，關於口味方面，他就愛番茄薯仔蘿蔔粟米煲瘦肉湯、鮑魚花膠雞湯等，但有時都會因應身體情況而煲其他湯，如他那時熱氣，就會煲雪梨蘋果水，唱歌表演前，就會煲羅漢果或者鹹竹蜂等。
在運動方面，他就喜歡打泰拳、踢足球及健身。他自己其實希望一星期可以最少有三日，每日大約兩個鐘，做到以上的運動，但礙於工作關係，時間未必經常配合到，所以如果做不到以上運動，他則會選擇落街跑步30至45分鐘，再加少少簡單workout。
至於在皮膚保養上，Jarryd笑說他其實有少少懶，平日只是洗面加保濕就算，頂多間中敷個mask或者做facial。然而，由於他做藝人要經常化妝，所以他對落妝水及卸妝棉就比較講究，一定要卸得乾淨，而且卸妝同時可以保濕，貴少少都不打緊。不過，他覺得其實用幾多外在產品都只是輔助，怎樣都不及調理好身體更重要，始終皮膚是好直接反映身體狀況。所以，只要身體好，皮膚自然會好！